Watu arubaini wakamatwa katika msako wa Homa Bay
Polisi huko Homa Bay kufikia sasa wamewakamata washukiwa arubaini wa ujambazi waliofanya maandamano katika Mji wa Homa Bay Alhamisi usiku na kupora majengo kadhaa ya biashara wakati Kassim Abdi alipokamatwa.
Kufuatia kukamatwa kwa Abdi na wenzake saba maafisa wa polisi na Idara ya Upelelezi wa Jinai (DCI) wamekuwa wakifanya msako wa mchana na usiku katika maeneo mbalimbali katika Mji wa Homa Bay ili kuwakamata kundi la vijana wanaotuhumiwa kupora na kuharibu mali Alhamisi usiku.
Kulingana na Kamanda wa polisi wa Kaunti ya Homa Bay, Lawrence Koilem, washukiwa hao 40 walikamatwa kati ya Ijumaa na Jumapili katika operesheni inayoendelea ya polisi ya kurejesha utulivu katika Mji wa Homa Bay.
Koilem amesema watu hao 40 ni miongoni mwa kundi la wahuni waliofanya maandamano katika Mji wa Homa Bay wakati Abdi alipokamatwa, hata hivyo. Waligeuza maandamano hayo kwa kupora biashara na kuharibu mali.Hata hivyo Washukiwa hao wanazuiliwa katika kituo cha polisi cha Kaunti ya Homa Bay na wanatarajiwa kufikishwa mahakamani .
