Papa Leo atarajiwa kufanyiwa upasuaji ili kuondoa kinundu kwenye mapafu
Papa Leo wa Kumi na Nne alitangaza Jumapili kwamba alikuwa amepanga kufanyiwa upasuaji katika siku zilizofuata ili kuondoa kinundu kilichokuwa kwenye mapafu yake. Aidha, amesema kwamba kinundu hicho kilikuwa kimegunduliwa katika hatua za awali sana.
Akizungumza wakati wa hotuba yake ya kila wiki katika Uwanja wa Mtakatifu Petro, papa huyo mwenye umri wa miaka sabini na moja amesema kwamba kinundu hicho kilikuwa kimegunduliwa wakati wa uchunguzi wa hivi karibuni wa kimatibabu.
Alifafanua kwamba madaktari walikuwa wamependekeza afanyiwe upasuaji ili kuondoa kinundu hicho, na kwamba alikuwa ameamua kufuata ushauri wao.
Vilevile, alisema kwamba upasuaji huo ulikuwa umepangwa kufanyika katika siku zilizofuata.Kufuatia hotuba yake wakati wa sala ya Angelus, ofisi ya habari ya Vatican imesema kwamba papa huyo anatarajiwa kufanyiwa upasuaji ndani ya siku chache zilizofuata.
Aidha, ilieleza kwamba kipindi cha kupona baada ya upasuaji huo kilitarajiwa kuchukua takribani wiki moja.
Kwa mujibu wa taarifa hiyo, upasuaji huo ulipangwa kufanyika katika Hospitali ya Gemelli jijini Roma, ambayo ilikuwa imekuwa ikiwatibu mapapa mara kwa mara tangu enzi za Papa John Paul wa Pili.Hata hivyo, hakuna taarifa iliyotolewa kuhusu iwapo upasuaji huo na kipindi cha kupona vingeathiri ratiba ya safari za kimataifa za papa huyo. Aidha, alitarajiwa kutembelea Uruguay, Argentina na Peru kati ya Novemba sita na kumi na saba.
